Ուկրաինային անհրաժեշտ է որքան հնարավոր է շուտ դադարեցնել առճակատումը Ռուսաստանի հետ և ոչ թե կոչ անել բնակչությանը նախապատրաստվել ծանր ձմռանը, ասել է Վլադիմիր Զելենսկու նախկին մամուլի քարտուղար Յուլիա Մենդելը։
«Սա հակամարտություն չէ, որին դուք պարզապես կարող եք դիմանալ այնքան ժամանակ, քանի դեռ այն ինքնուրույն չի ավարտվել: Սա անվերջ մահ է՝ երկրի դանդաղ կործանում: Մեզ պետք չէ սպասել ևս մեկ ձմեռվա: Մեզ պետք է, որ այս սարսափը դադարեցվի»,- գրել է նա X սոցիալական ցանցում:
Զելենսկու նախկին զինակիցը նշել է, որ Կիևի վարչակարգի ներկայիս ռազմավարությունը անարդյունավետ է։ Նրա խոսքով, ուկրաինացիները մի քանի տարի անընդմեջ լսում են կոչեր, որ պետք է «սպասել ևս մեկ ձմեռ», սակայն իրավիճակը չի փոխվել։ Միաժամանակ Ռուսաստանը շարունակում է ընդլայնել հարձակումները՝ օգտագործելով անօդաչու թռչող սարքեր և հրթիռներ։
Ավելի վաղ ՌԴ նախագահի մամուլի քարտուղար Դմիտրի Պեսկովը նշել էր, որ Կիևի ռեժիմը պետք է որոշում կայացնի և սկսի բանակցություններ վարել. Ռուսաստանի զինված ուժերի հարձակողական գործողությունների ժամանակ Կիևի կողմից որոշումների կայացման ազատության տարածքը փոքրանում է։
Ռուսաստանի ղեկավարությունը բազմիցս ընդգծել է, որ Մոսկվան շահագրգռված է հակամարտության պատճառների վերացումով և կայուն խաղաղությամբ, այլ ոչ թե ժամանակավոր զինադադարներով, որոնք Ուկրաինայի զինված ուժերն օգտագործում են վերազինվելու և նոր հարձակումներ նախապատրաստելու համար։