ԱՄՆ-ը տեսնում է, որ Ուկրաինայի շուրջ իրավիճակը ներկայում զարգանում է ոչ թե դեպի հակամարտության ավարտ, այլ ուրիշ ուղղությամբ:
Այս մասին հայտարարել է ԱՄՆ պետքարտուղար Մարկո Ռուբիոն։
«Իհարկե, մենք հետևում ենք այնտեղ տեղի ունեցող զարգացումներին և տեսնում ենք, որ շարժումը տեղի է ունենում ոչ դեպի հակամարտության ավարտի ուղղությամբ», — ասել է նա լրագրողներին՝ խոսելով հակամարտության կարգավորման հեռանկարների մասին։
Ռուբիոն այցով գտնվում է Իսլանդիայում։ Նրա շփումը մամուլի հետ հեռարձակել է DWS News հեռուստաալիքը։