Ադրբեջանի և Իրանի արտաքին գործերի նախարարներ Ջեյհուն Բայրամովը և Աբբաս Արաղչին քննարկել են անվտանգության հարցեր, հաղորդում է Ադրբեջանի արտաքին գործերի նախարարության մամուլի ծառայությունը։
Շաբաթ օրը Բայրամովի և նրա իրանցի գործընկերոջ միջև հեռախոսազրույց է տեղի ունեցել։
«Հեռախոսազրույցի ընթացքում Բայրամովը խորին ցավակցություն է հայտնել իր գործընկերոջը քրոջ մահվան կապակցությամբ և համբերություն մաղթել մահացածի ընտանիքին և սիրելիներին… Նրանք նաև մտքեր են փոխանակել տարածաշրջանում ստեղծված իրավիճակի և անվտանգության հարցերի շուրջ», — ասվում է հայտարարության մեջ։
Նախարարության տվյալներով՝ նախարարները քննարկել են Ադրբեջանի և Իրանի միջև հարաբերությունների ներկայիս վիճակը և զարգացման հեռանկարները։
Իրանի արտաքին գործերի նախարարը հինգշաբթի օրը հայտարարել է քրոջ մահվան մասին։