ՀՀ արտաքին գործերի և միջազգային առևտրի նախարար Արարատ Միրզոյանը ԱՄՆ պետքարտուղարի՝ ժողովրդավարության, մարդու իրավունքների և աշխատանքի հարցերով տեղակալ Ռայլի Բարնսի հետ քննարկել է ՀՀ-ԱՄՆ համապարփակ ռազմավարական գործընկերության օրակարգը և հումանիտար բնույթի հարցեր, հայտնել է ԱԳՄԱՆ մամուլի ծառայությունը։
Կողմերն ընդգծել են Համապարփակ ռազմավարական գործընկերության կանոնադրությամբ սահմանված տարբեր ոլորտներում փոխգործակցության դինամիկ զարգացումը։
Միրզոյանը և Բարնսը մտքեր են փոխանակել ժողովրդավարության և իրավունքի գերակայության ամրապնդման, ինչպես նաև երկու երկրների հասարակությունների միջև կապերի զարգացման ուղղությամբ շարունակվող աշխատանքների շուրջ։
Հանդիպմանը քննարկվել են նաև տարածաշրջանային զարգացումները և խաղաղության պայմաններում տնտեսական փոխկապակցվածության զարգացմանն ուղղված ծրագրերը։
Կողմերն անդրադարձել են նաև հումանիտար բնույթի հարցերի։
