ՆԱՏՕ-ի գլխավոր քարտուղար Մարկ Ռյուտեն հաստատել է, որ Ռուսաստանը ՆԱՏՕ-ին զգուշացրել է, որ կարող է օգտագործել իր ողջ զինանոցը, այդ թվում՝ միջուկային զենքը, եթե Կալինինգրադի մարզը շրջափակվի կամ մեկուսացվի Ռուսաստանի մյուս տարածքներից։
Ռոյթերսի տվյալներով՝ Ռյուտեն հայտարարել է, որ ՆԱՏՕ-ն արձագանքել է Ռուսաստանի ուղերձին և ընդգծել դաշինքի պաշտպանական բնույթը։
«Մենք պաշտպանական դաշինք ենք։ Դադարեցրեք միջուկային սպառնալիքներ հնչեցնելը։ Սա բացարձակապես անընդունելի է և ոչ մի նպատակի չի ծառայում», — ընդգծել է ՆԱՏՕ-ի գլխավոր քարտուղարը։
Հարկ է նշել, որ ՆԱՏՕ-ին ուղարկված դիվանագիտական փաստաթղթում Ռուսաստանը հայտարարել է Կալինինգրադի մարզը Ռուսաստանի մնացած մասից մեկուսացնելու ցանկացած փորձի դեմ «իր բոլոր ուժերն ու հնարավորությունները, այդ թվում՝ միջուկային զենքը» օգտագործելու պատրաստակամության մասին։