Իրանում երգչուհուն 74 մտրակի հարվածի են դատապարտել՝ առանց հիջաբի ելույթ ունենալու համար։ Իրանի Ղոմ նահանգի վերաքննիչ դատարանը հաստատել է 29-ամյա իրանցի երգչուհի Փարաստու Ահմադիի նկատմամբ կայացված մեղադրական դատավճիռը։ Երգչուհին ելույթ էր ունեցել առանց պարտադիր հիջաբի։
Տեղական լրատվամիջոցների փոխանցմամբ՝ դատարանը նրան դատապարտել է 74 մտրակի հարվածի, ինչպես նաև երկու տարով արգելել աուդիովիզուալ գործունեությամբ զբաղվելն ու երկրից դուրս գալը։ Երգչուհու փաստաբանները հայտնել են, որ վերաքննիչ բողոքը մերժվել է առանց դատական նիստ անցկացնելու։
Փարաստու Ահմադին սոցիալական ցանցերում հրապարակել է հայտարարություն՝ նշելով, որ դատարանի որոշումը վերջնական է։ Ավելի վաղ հաղորդվել էր, որ 2024 թվականի դեկտեմբերին երգչուհին մոտ 27 րոպե տևողությամբ համերգ է տվել առանց հիջաբի։ Ելույթի տեսագրությունը հրապարակվել էր YouTube-ում։