«Ռոսիա սեգոդնյա» միջազգային մեդիախմբի և RT հեռուստաալիքի գլխավոր խմբագիր Մարգարիտա Սիմոնյանի «Ոչ առաջին սեր. վշտի և ուրախության խոստովանություն» հուշագրությունը դարձել է շաբաթվա ամենավաճառվող գիրքը Մոսկվայի առաջատար գրախանութներում:
Ռեժիսոր Տիգրան Քեոսայանին նվիրված գիրքը զբաղեցրել է «Ինչ է ընթերցում Մոսկվան» շաբաթական վարկանիշի առաջին տեղը։
Երկրորդ հորիզոնականում է Ալեքսանդրա Մարինինայի «Մարդիկ մեջքի հետևում» երկհատորյակը, երրորդում՝ Լորան Գունելի «Աստված միշտ ծպտված է ճամփորդում» վեպը: Շաբաթվա ամենավաճառվող գրքերի հնգյակում տեղ են գտել նաև Գենկի Կավամուրայի «Եթե աշխարհի բոլոր կատուներն անհետանան» և և Իվան Գոնչարովի «Օբլոմով» ստեղծագործությունները:
Վարկանիշն ընդգրկում է սեպտեմբերի 21-27-ի վաճառքները և կազմվում է «Մոսկվա FM» ռադիոկայանի, Գրահրատարակիչների ասոցիացիայի և «Էքսմո» հրատարակչության կողմից:
Սիմոնյանի վեպը լույս է տեսել օգոստոսի 27-ին: Հեղինակն այն անվանել է գրական հուշարձան` նվիրված ամուսնուն` Տիգրան Քեոսայանին։ Նախատեսվում է նաև գրքի աուդիոտարբերակի թողարկում, որում ռեժիսորի ձայնը կվերստեղծվի արհեստական բանականության միջոցով:
Սիմոնյանը մտադիր է գրքի վաճառքից ստացված ողջ հասույթը ուղղել ուկրաինական անօդաչուների հարձակումներից տուժածներին։
Հիշեցնենք` Տիգրան Քեոսայանը մահացավ 2025 թվականի սեպտեմբերի 26-ին։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: