Լրագրող Լիա Սարգսյանի ֆեյսբուքյան գրառումը․ «Սարսափելի ավտովթար՝ Զվարթնոց թաղամասում․ մահաբեր շրջադարձի հերթական «զոհերը»
Հերթական աարսափելի ավտովթարն է քիչ առաջ տեղի ունեցել Զվարթնոց թաղամասում՝ «Զովք» սուպերմարկետի հարակից հատվածում:
«Իշխանություն» լրատվականին ահազանգած քաղաքացիները պնդում են, որ ճանապարհի տվյալ հատվածում գտնվող վտանգավոր շրջադարձը պարբերաբար ծանր վթարների պատճառ է դառնում։ Նրանց խոսքով՝ խնդրի մասին բազմիցս բարձրաձայնվել է, սակայն մինչ օրս շրջադարձը չի փակվել կամ երթևեկության անվտանգությունն ապահովող լուծում չի տրվել։
«Ամեն ամիս այս հատվածում մարդ է մահանում, բայց ոստիկանությունը համառորեն չի փակում այդ վտանգավոր շրջադարձը»,- նշել է ահազանգած քաղաքացին։
Դեպքի վայրից ստացված կադրերում երևում են վթարված ավտոմեքենաներ, ճանապարհին առկա բեկորներ։
Քաղաքացիները պահանջում են, որ իրավասու մարմինները հրատապ միջոցներ ձեռնարկեն՝ վերանայելով երթևեկության կազմակերպումը և լուծում տալով վտանգավոր շրջադարձի խնդրին։
Վթարի հանգամանքների վերաբերյալ պաշտոնական ամբողջական տեղեկություն այս պահին չկա, ՆԳՆ-ից ասացին՝ մանրամասներ կհայտնեն»։