Իրանի իշխանությունները Կատարի միջնորդների հետ քննարկել են Մերձավոր Արևելքում հակամարտության կարգավորման գործում Թեհրանի պայմանների կատարման ուղիները։ Իրանը մոտ ժամանակներս ակնկալում է Վաշինգտոնի պատասխանը իր առաջադրած պայմանների վերաբերյալ, հայտարարել է Իրանի արտգործնախարար Աբբաս Արաղչին։
Ավելի վաղ Reuters գործակալությունը, վկայակոչելով երկու երկրների ներկայացուցիչներին, հայտնել էր, որ ԱՄՆ-ի և Իրանի ներկայացուցիչները առանձին քննարկել են միջնորդ երկրների հետ Մերձավոր Արևելքում հակամարտության ավարտի ուղիները։
«Մենք Կատարի միջնորդների հետ քննարկել ենք Իրանի պայմանների կատարման ուղիները։ ԱՄՆ-ի պատասխանը Թեհրանին կփոխանցվի Կատարի միջնորդների միջոցով՝ ինչպես ակնկալվում է, արդեն վաղը», – Իրանի Press TV հեռուստաալիքը մեջբերում է Արաղչիի խոսքերը։