Երևանի Տիչինայի փողոցում շինարարական աշխատանքների ընթացքում վերամբարձ կռունկի ընկնելու հետևանքով նախնական տվյալներով 3 մարդ է զոհվել, հայտնում է ՆԳՆ փրկարար ծառայությունը։
Ծառյությունն ահազանգը ստացել է սեպտեմբերի 29-ին՝ ժամը 14:10-ին։ Ըստ ՓԾ-ի՝ Տիչինայի փողոցի թիվ 120 հասցեի մոտակայքում շինաշխատանքների ժամանակ վերամբարձ կռունկը մասամբ վնասվել և ընկել է։
Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և հատուկ նշանակության փրկարարական աշխատանքների իրականացման կենտրոնի խումբը։
Զոհերի ինքնության մասին ծառայությունը տեղեկություն չի հայտնել։ Չի նշվել նաև՝ նրանք աշխատավորներ են, թե պատահական անցորդներ։
