Սպիտակ-Ապարան ավտոճանապարհին MAN մակնիշի կցորդիչով բեռնատարի պատճառով ժամանակավորապես երկկողմանի փակված երթևեկությունը վերականգնվել է, հայտնում է ՆԳՆ փրկարար ծառայությունը։
Սեպտեմբերի 28-ին՝ ժամը 17:42-ին ՆԳՆ-ն ահազանգ է ստացել, որ ճանապարհի թաց լինելու պատճառով բեռնատարը կորցրել է կառավարումը և ընդունել մկրատաձև դիրք՝ արգելափակելով ճանապարհը։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Փրկարարներն ուղղել են բեռնատարը և դուրս բերել երթևեկելի հատվածից։
