Հնդկաստանի Ուտար Պրադեշ նահանգում առատ տեղումների և ջրհեղեղների հետևանքով առնվազն 81 մարդ է զոհվել։ Այս մասին հայտնել են նահանգի արտակարգ իրավիճակների կառավարման վարչությունից։
Առնվազն 62 մարդ վնասվածքներ է ստացել։ Նահանգի մի շարք շրջաններում երեք օր շարունակ տեղացած հորդառատ անձրևների հետևանքով վնասվել է ավելի քան 1 000 տուն։ Տուժած շրջաններում, այդ թվում՝ նահանգի մայրաքաղաք Լաքնաուում, դպրոցները փակ են։
Փրկարարները տարհանում են ջրածածկ տարածքների բնակիչներին։