Երևան քաղաքի Ծիծեռնակաբերդի խճուղում էլեկտրական ենթակայանում հրդեհ է բռնկվել, հայտնել է Ներքին գործերի նախարարության փրկարար ծառայությունը։
Ահազանգը ստացվել է սեպտեմբերի 27-ին՝ ժամը 17։07-ին։ Դեպքի վայր է մեկնել հրշեջ-փրկարարների վեց մարտական հաշվարկ, հերթապահ խումբ և մեկ ավտոսանդուղք։
Նշվում է, որ հրշեջները շարունակում են հրդեհաշիջումը և միջոցներ ձեռնարկում կրակի տարածումը կանխելու համար։ Այլ մանրամասներ չեն հաղորդվում։
