Հայաստանի միակ ավտոմրցուղու փակման հետևանքով ավտոսպորտում իրավիճակը ճգնաժամային է: Այս մասին հայտնում է Հայկական ավտոսպորտի ակադեմիան:
«Ցանկանում ենք հատուկ ընդգծել, որ ավտոսպորտի համայնքը և մեր կազմակերպությունները լիովին չեզոք են որևէ քաղաքական կամ իրավական վեճից, անվերապահորեն հարգում են ՀՀ օրենսդրությունը, իրավապահ մարմինների գործողությունները և որևէ կերպ չեն միջամտում կամ վիճարկում նշված գույքի սեփականության կամ իրավական կարգավիճակի հարցերը»,- նշված է հաղորդագրության մեջ։