Վրաստանի վարչապետ Իրակլի Կոբախիձեն Հայաստանի վարչապետ Նիկոլ Փաշինյանի հետ քննարկել է Հարավային Կովկասում խաղաղության և կայունության ամրապնդման հարցերը։
Հանդիպումը տեղի է ունեցել Նյու Յորքում՝ ՄԱԿ-ի Գլխավոր ասամբլեայի 81-րդ նստաշրջանի շրջանակում։
Հանդիպման ընթացքում կողմերը հաստատել են Հարավային Կովկասում խաղաղության և կայունության ապահովման գործում առավելագույն ներդրում ունենալու՝ Վրաստանի և Հայաստանի պատրաստակամությունը։
Վրաստանի վարչապետը հայտարարել է երկու երկրների միջև ռազմավարական գործընկերության հետագա խորացման պատրաստակամության մասին։
Կողմերը նշել են տարբեր ոլորտներում Վրաստանի և Հայաստանի միջև հաջող համագործակցությունն ու քաղաքական երկխոսության բարձր մակարդակը։ Ընդգծվել է, որ առևտրատնտեսական, տրանսպորտային, մշակութային և միջազգայնական կապերի ոլորտներում համագործակցությունը կոնկրետ արդյունքներ է ապահովում։