Մի շարք պատվիրակություններ ի նշան բողոքի լքել են ՄԱԿ-ի Գլխավոր ասամբլեայի դահլիճը, երբ Իսրայելի վարչապետ Բենյամին Նեթանյահուն բարձրացել է ամբիոն՝ ելույթ ունենալու, հայտնում է ՏԱՍՍ-ը։
ՄԱԿ-ի կենտրոնակայանում ուժեղացվել են անվտանգության միջոցառումները։ Երբ Իսրայելի վարչապետը հրավիրվել է ամբիոն, տասնյակ դիվանագետներ վեր են կացել տեղերից և ուղղվել դեպի ելքերը։ Դահլիճում երկար ժամանակ հնչում էին ծաղրական բացականչություններ և դժգոհության արտահայտություններ։ Իր ելույթի սկզբում Իսրայելի վարչապետը հորդորել էր նրանց, ովքեր դեռ չէին հեռացել, անհապաղ անել դա։
Վերջին մի քանի տարիների ընթացքում Նեթանյահուն ՄԱԿ-ի Գլխավոր ասամբլեայի ընդհանուր քննարկումների ժամանակ ելույթ է ունեցել կիսադատարկ դահլիճում։
2024 թվականի նոյեմբերին Միջազգային քրեական դատարանը Նեթանյահուի և պաշտպանության նախկին նախարար Յոավ Գալանտի ձերբակալման օրդերներ էր տվել՝ Գազայի հատվածում տեղի ունեցող հակամարտության հետ կապված ռազմական հանցագործությունների և մարդկության դեմ ուղղված հանցագործությունների մեղադրանքներով։ Իսրայելը չի ճանաչում դատարանի իրավասությունը։
