24.09.2026 | 14:14
Երևանում անցկացվող Հանրապետության 35-ամյակի տոնակատարության մասնակիցներին ուղղված հարցերը ցույց տվեցին, որ նրանցից շատերը նույնիսկ չգիտեին, թե ինչ տոն է, և նրանց համար միակ զվարճանքն անվճար համերգն էր:
Սակայն ուզում եմ պատմել մի ավելի խայտառակ տեսարանի մասին, որին ականատես եղան բազմաթիվ լոսանջելեսահայեր։
Հայկական հեռուստաընկություններից մեկի լրագրողը մտնում է մի փոքրիկ սրճարան, որտեղ նստած են հաճելի և համակրելի արտաքինով երկու հայ կանայք: Լրագրողը ներկայացնում է իրենց այցի նպատակը. նրանք հեռուստակենտրոնից են և ցանկանում են հարց տալ, իսկ ճիշտ պատասխանի դեպքում խոստանում են նվերներ՝ խմորեղենի տեսքով: Կանայք սիրով համաձայնում են:
Իսկ հարցը հետևյալն էր. «Ո՞վ է հայերեն գրերի ստեղծողը»:
– Յաա՜, դա է՞լ է հարց, որ տալիս եք, երեխաներն էլ գիտեն,- հնչում է պատասխանը,- Սայաթ-Նովան։
Չնայած այս պատասխանին՝ տիկնայք, միևնույն է, ստացան իրենց քաղցր նվերները:
Վարդան ԿԱՐԱԳՅՈԶՅԱՆ