BYD-ի ամենամատչելի էլեկտրական մեքենան՝ «Seagull»-ը, Չինաստանում վաճառվում է մոտ 10 հազար դոլարից սկսած։ Եվրոպայում և Միացյալ Թագավորությունում այն հայտնի է «Dolphin Surf» կամ «Dolphin Mini» անվանումներով։
BYD-ը պատրաստվում է ներկայացնել ավելի մեծ տարբերակը, որը կկոչվի «Great Seagull»։ Ընկերությունը նախատեսում է այն վաճառքի հանել մինչև 2026 թվականի վերջ։ Նոր մոդելի երկարությունը կլինի 4.205 մետր, լայնությունը՝ 1.81 մետր, իսկ բարձրությունը՝ 1.57 մետր։
«Great Seagull»-ը կունենա 95 կՎտ հզորությամբ էլեկտրաշարժիչ՝ ներկայիս մոդելի 55 կՎտ-ի փոխարեն։ Սպասվում է նաև նոր «Blade Battery 2.0» մարտկոց և արագ լիցքավորման տեխնոլոգիա, որի դեպքում մարտկոցը 10%-ից մինչև 70% կարող է լիցքավորվել մոտ 5 րոպեում։ Ակնկալվում է, որ նոր տարբերակը արտահանման շուկաներում նույնպես կվաճառվի «Dolphin Surf» կամ «Dolphin Mini» անվանումներից մեկով։ Եվրոպայում ներկայիս «Dolphin Surf»-ի գինը սկսվում է մոտ 22,900 եվրոյից, իսկ նոր, ավելի մեծ տարբերակը կարող է արժենալ մինչև 30 հազար եվրո։