Կոնստանտին Զատուլինը կրկին ընտրվել է Ռուսաստանի Պետական դումայի պատգամավոր և կշարունակի իր աշխատանքը 9-րդ գումարման կազմում։ 2026 թվականի սեպտեմբերին կայացած ընտրությունների արդյունքներով նա ստացել է ընտրողների ձայների 47,66 տոկոսը։
Զատուլինը առաջադրվել էր «Единая Россия» կուսակցության կողմից՝ թիվ 54 Հարավային միամանդատ ընտրատարածքում, որն ընդգրկում է Սոչի քաղաքը, ինչպես նաև Կրասնոդարի երկրամասի Բելորեչենսկի և Ապշերոնսկի շրջանները։
Զատուլինի համար սա խորհրդարանական գործունեության հերթական ժամկետն է։ Նախկինում նա ընտրվել է 1-ին, 4-րդ, 5-րդ, 7-րդ և 8-րդ գումարումների Պետական դումայի պատգամավոր։ Նախորդ գումարումներում նա զբաղեցրել է Պետդումայի ԱՊՀ գործերի, եվրասիական ինտեգրման և հայրենակիցների հետ կապերի հարցերով հանձնաժողովի նախագահի առաջին տեղակալի պաշտոնը։