20 Սեպտեմբերի 2026, 20:00
Սեպտեմբերի 26-ին և 27-ին Սոչիի «Ամառային թատրոնում» տեղի կունենան բաց կինոցուցադրություններ՝ նվիրված ռեժիսոր Տիգրան Քեոսայանի հիշատակին։
Առաջին երեկոյան հանդիսատեսին կներկայացվի նրա վերջին աշխատանքը՝ «Պյոտր Սեմյոնիչի յոթ օրը» ֆիլմը՝ Ֆյոդոր Դոբրոնրավովի գլխավոր դերակատարմամբ։ Սա պատմություն է մի մարդու մասին, ով, բախվելով մահվան սպառնալիքին, առաջին անգամ իսկապես գիտակցում է իր ապրած կյանքը:
Հաջորդ օրը կկայանա «Անմահները» դրամայի ցուցադրությունը, որը պատմում է Աֆղանական պատերազմի վետերան երեք ընկերների մասին. տարիներ անց նրանք վերստին հանդիպում են և վերհիշում անցյալը: Ֆիլմում նկարահանվել են Սերգեյ Պուսկեպալիսը, Յուրի Ստոյանովը և Ֆյոդոր Դոբրոնրավովը:
Երկու երեկո, երկու կինոնկար, որոնք հանդիսատեսին հնարավորություն կտան ևս մեկ անգամ առնչվելու Տիգրան Քեոսայանի ստեղծագործությանը: