Գերմանիայում 2025 թվականին նախորդ տարվա համեմատ սպանությունների և բռնաբարությունների դեպքերի աճ է գրանցվել, հաղորդում է Bild թերթը՝ հղում անելով Գերմանիայի քրեական ոստիկանության 2025 թվականի քրեական վիճակագրությանը։
«Սպանությունների դեպքերի թիվն աճել է 6.5%-ով։ Ավելի զգալի աճ է գրանցվել բռնաբարության և հատկապես ծանր սեռական հանցագործությունների դեպքում՝ 8.5%-ով», – գրում է թերթը։
Bild-ը նշում է, որ չնայած Գերմանիայում հանցագործության ընդհանուր մակարդակը նվազել է (նախորդ տարվա համեմատ 5.6%-ով), մեկ միտում պահպանվում է. բոլոր հանցագործների և իրավախախտների շրջանում «ոչ գերմանական ծագում ունեցող անձինք» շարունակում են զգալի համամասնություն կազմել։
«100,000 բնակչի հաշվով կասկածյալների թվի վերաբերյալ տվյալները ցույց են տալիս, որ անչափահասների կողմից կատարված բռնի հանցագործությունների դեպքում հարաբերակցությունը կազմում է 3710 ոչ գերմանական ծագում ունեցող մեղադրյալ և 1070 գերմանական ծագում ունեցող մեղադրյալ, այսինքն՝ նրանք ավելի քան երեք անգամ ավելի շատ են», – գրում է թերթը։
Ավելի վաղ Welt թերթը՝ հղում անելով Գերմանիայի ՆԳՆ-ին, հայտնել էր, որ 2024 թվականին Գերմանիայում զգալիորեն աճել է բռնի հանցագործությունների մեջ կասկածվողների թիվը Թուրքիայից, Եգիպտոսից, Ուկրաինայից, Պակիստանից և Թունիսից ներգաղթյալների շրջանում: Սակայն, բացարձակ թվերով, սիրիացիները շարունակել են կատարել նմանատիպ հանցագործությունների ամենամեծ թիվը: