Պակիստանի հյուսիս-արևմուտքում մահապարտ ահաբեկիչը մեքենայով մխրճվել է ոստիկանական բաժանմունք, որի շենքի մոտ գտնվող մզկիթում հավաքված մարդիկ աղոթք էին անում։ Զոհվել է առնվազն 31 մարդ։
Զոհերի թվում են 15 ոստիկան և չորս տարեկան երեխա։ Ավելի քան 100 մարդ վիրավորվել է։
Հարձակումը տեղի է ունեցել Խայբեր-Պախտունխվա նահանգի Կոհատ քաղաքում։
Ոչ ոք պատասխանատվություն չի ստանձնել հարձակման համար։
Ոստիկանության և հարձակվողների միջև տեղի է ունեցել փոխհրաձգություն. հարձակվողներից մեկը պայթուցիկ գոտի է կրել։