ԱՄՆ-ի նախագահ Դոնալդ Թրամփը կարող է ստորագրել Ռուսաստանի դեմ «դժոխային պատժամիջոցների» մասին օրինագիծն արդեն ուրբաթ՝ սեպտեմբերի 18-ին, հայտնում է The Hill-ի լրագրող Ջուլիա Մանչեսթերը։
«Սպիտակ տան խոսնակի խոսքով՝ նախագահ Թրամփը, ամենայն հավանականությամբ, այսօր կստորագրի Ռուսաստանի դեմ պատժամիջոցների մասին օրինագիծը», – գրել է նա X-ում։
ԱՄՆ-ի Ներկայացուցիչների պալատը հաստատել է հանգուցյալ սենատոր Լինդսի Գրեհեմի անունով կոչված օրինագիծը, որը նոր պատժամիջոցներ է սահմանում Ռուսաստանի դեմ։ Սենատը հաստատել է օրինագիծը օգոստոսին։ Սպիտակ տանը պաշտոնապես ներկայացվելուց հետո Թրամփը տասը օր կունենա՝ կիրակի օրերը չհաշված, որոշում կայացնելու համար։
Մասնավորապես, օրինագիծը պարտավորեցնում է նախագահին բարձրացնել Ռուսաստանից բոլոր ապրանքների (ներառյալ էներգետիկայի) ներմուծման մաքսատուրքերը մինչև մաքսային արժեքի առավելագույնը 500%-ը։ ԱՄՆ-ի վիճակագրության համաձայն՝ 2025 թվականին ԱՄՆ-ն Ռուսաստանից ներմուծել է 3.78 միլիարդ դոլարի ապրանքներ, իսկ 2026 թվականի հունվար-հուլիս ամիսներին՝ 1.96 միլիարդ դոլար։
Ակնկալվում է նաև, որ Թրամփը կբարձրացնի Ռուսաստանից նավթ և գազ գնող երրորդ երկրներից Միացյալ Նահանգներ ներմուծվող ապրանքների մաքսատուրքերը: Օրինագծում սահմանված մաքսատուրքի սահմանաչափը 100% է: Այս մաքսատուրքերը վերաբերում են միայն այդպիսի հինգ խոշորագույն գնորդներին, ինչպես նաև այն հինգ խոշորագույն երկրներին, որոնք «նպաստում են Ռուսաստանի դեմ նավթային պատժամիջոցների շրջանցմանը»: