Սպիտակ տունը քննարկում է Ռուսաստանի հետ գործարար գործարքներ կնքելու հնարավորությունը մինչեւ Ուկրաինայում հակամարտության ավարտը, գրում է The New York Times-ը՝ հղում անելով աղբյուրներին։
Ավելի վաղ՝ Վաշինգտոնը հայտարարել էր, որ Ռուսաստանի հետ գործարար գործարքներն անհնար են մինչեւ Ուկրաինայում ռազմական գործողությունների ավարտը։
Թերթի զրուցակիցների խոսքով՝ ամերիկյան վարչակազմը մտածում է, որ Մոսկվայի հետ հարաբերությունները վերագործարկելու ցանկությունն ի ցույց դնելը կարող է հակամարտության կարգավորմանը դրդելու նոր միջոց լինել։
Թե կոնկրետ ինչ գործարքների մասին կարող է խոսք լինել, թերթը չի հայտնում։
Ռուսական «Կոմերսանտը» նշում է, որ դեռ 2025 թվականի փետրվարին Ռուսաստանի նախագահ Վլադիմիր Պուտինը հնարավոր էր համարում, որ ԱՄՆ-ի հետ կարող է համաձայնագիր կնքվել հազվագյուտ հողային մետաղների, իսկ Կրասնոյարսկի երկրամասում ալյումինի արդյունահանման վերաբերյալ։