Հայաստանի ֆութսալի հաւաքականը Քիշինեւի մէջ իր ուսումնամարզական հաւաքի ընթացքին փորձ-մրցում մը կատարեց Մոլտովայի հետ:
Մրցումը վերջ գտաւ 3-3 արդիւնքով: Մոլտովա արագ կոլ մը նշանակեց երրորդ վայրկեանին եւ կրցաւ առաւելութիւն ունենալ մինչեւ կիսախաղ:
Միհրան Դերմենջեան նշանակեց հաւասարութեան կոլը: Այս կոլէն ետք մրցումը զգալիօրէն աւելի բացուեցաւ: Երկու խումբերը յաւելեալ յարձակումներով փոխանակուեցան, բայց ի վերջոյ չկրցան յաղթել մրցումին` աւարտելով զայն 3-3 արդիւնքով:
Այս հանդիպումը առանձնայատուկ էր նաեւ Հայաստանի հաւաքականի երկու նոր ֆութպոլիստներուն համար: Առաջին անգամ ըլլալով, ելոյթ ունեցան արժանթինահայեր Ֆաքունտօ Յովհաննիսեան եւ Մարթին Արամ Ռամիրօ:
Այսօր նոյն խումբերը անգամ մը եւս պիտի մրցին` նկատի ունենալով, որ Հայաստանի հաւաքականը կը պատրաստուի 2028-ի աշխարհի ախոյեանութեան զտումի մրցումներուն: