Ռուսաստանի Տուվայի Հանրապետությունում 15-ամյա աղջիկը մահացել է ձիավարության ժամանակ ստացած ծանր վնասվածքների հետևանքով։
Դեպքը տեղի է ունեցել Բուլուն-Բաժի գյուղում։ Ըստ նախնական տեղեկությունների՝ ձիավարության փորձ ունեցող դեռահասը երեկոյան ձիով զբոսնելիս է եղել, երբ կենդանին հանկարծ ընթացքը փոխել է։
Այդ պահին աղջկա ոտքը խճճվել է ասպանդակի մեջ։ Նա ծանր վնասվածքներ է ստացել, որոնք, ըստ քննիչների նախնական տվյալների, կյանքի հետ անհամատեղելի են եղել։
Դեպքի առնչությամբ Ռուսաստանի Քննչական կոմիտեն իրականացնում է ստուգում՝ միջադեպի բոլոր հանգամանքները պարզելու նպատակով։
Աղջկա մահվան ստույգ պատճառը պարզելու համար նշանակվել է դատաբժշկական փորձաքննություն։ Քննիչները նաև պարզում են, թե ինչ հանգամանքներում է տեղի ունեցել ողբերգական միջադեպը։
Past.am-ը կհետևի դեպքի վերաբերյալ պաշտոնական նորություններին։