«Սահմանազատման գործընթացը ցույց կտա՝ Քյարքիում հանրաքվեի անհրաժեշտություն կա՞, թե՞ չէ»,-կառավարության նիստից հետո ճեպազրույցում ասաց Նիկոլ Փաշինյանը։
Նա նշեց, որ այս պահին սահմանազատման դետալների հետ կապված՝ «սա պետք է գնա, սա պետք է գա», չկա որևէ պայմանավորվածություն։
«Այդ պայմանավորվածությունների թիվը զրո է։ Այսինքն, սահմանազատումը պետք է տեղի ունենա, որի արդյունքում պարզ կլինի՝ հանրաքվե անհրաժեշտ է, թե ոչ։ Այսինքն՝ երկրները պետք է սահմանազատման մասին փաստաթուղթ ստորագրեն, որպեսզի մենք տեսնենք՝ այդ փաստաթղթի արդյունքում հանրաքվե պե՞տք է, թե՞ ոչ։
Եթե պարզվի, որ տարածքի փոփոխություն է տեղի ունենում, այդ ժամանակ արդեն հանրաքվե կլինի, մեր իրավաբան գործընկերը կասեն՝ պետք է, թե ոչ»,- ասաց Փաշինյանը։
Նա նշեց, որ ինքը չի ասել՝ «այսինչ տարածքը պետք է տանք ինչ-որ մեկին, այս տարածքը…»։
«Ես ասել եմ կա անկլավների պրոբլեմ, որը պետք է հասկանանք՝ ինչպես ենք լուծում»,- ասաց Փաշինյանը։