Յակուտսկում հետաքննություն է իրականացվում քաղաքային այգու ատրակցիոնից 16-ամյա աղջկա ընկնելու դեպքի առնչությամբ։ Այս մասին հայտնել է Յակուտիայի դատախազությունը։
Դեպքը տեղի է ունեցել ամռան վերջին՝ Յակուտսկի մշակույթի և հանգստի կենտրոնական այգում։ 2010 թվականին ծնված աղջիկը վնասվածքներ է ստացել՝ ընկնելով «Զիգ-Զագ» ատրակցիոնից։ Նա կոտրել է ձեռքն ու ոտքը։
Դեպքի առնչությամբ իրականացված ստուգմամբ պարզվել է, որ ատրակցիոնի շարժման ժամանակ աղջիկը չի ամրացվել նախատեսված անվտանգության սարքով։
Քննությամբ նաև պարզվել է, որ այցելուներին ատրակցիոնում տեղավորել է 2016 թվականին ծնված դեռահասը, որը պաշտոնապես աշխատանքի ընդունված չի եղել։ Դրա հետևանքով ատրակցիոնի սեփականատերը ենթարկվել է վարչական պատասխանատվության։
Դատախազության աշխատակիցները պարզել են նաև, որ այգու ատրակցիոնների աշխատանքի և սպասարկման հիմնական կանոնները բացակայել են։ Հայտնաբերվել են նաև այլ խախտումներ։
Դեպքի առթիվ հարուցվել է քրեական գործ՝ անվտանգության պահանջներին չհամապատասխանող ծառայություններ մատուցելու հատկանիշներով։
Ինչպես տեղեկանում է Past.am-ը, քննությունը շարունակվում է։