Գազայում պատերազմի հետևանքով վնասված շենքի փլուզման հետևանքով զոհվել է առնվազն 20 մարդ, այդ թվում՝ հինգ երեխա, իսկ տասնյակ մարդիկ անհետ կորած են համարվում։ BBC-ի փոխանցմամբ՝ այս մասին հայտնում է տեղի փրկարարական ծառայությունը։
Տեսանյութերում երևում է, թե ինչպես են Գազա քաղաքի Թալ ալ-Հավա շրջանում վեցհարկանի շենքի փլատակների տակ շարունակվում որոնումները։
Տեղացիները պատմել են, որ մոտ 10 ընտանիք ապրել է շենքում՝ չնայած դրա վտանգավոր լինելու մասին նախազգուշացումներին։