Ռուսաստանի Պետդումայի ընդունած միգրացիոն քաղաքականության կատարելագործման մասին օրենքները թույլ են տվել արգելել 200 հազար օտարերկրյա քաղաքացիների մուտքը ՌԴ, որոնք խախտել են Ռուսաստանի օրենսդրությունը։ Այս մասին սոցիալական ցանցերում գրել է Պետդումայի նախագահ Վյաչեսլավ Վոլոդինը։
ՌԴ ՆԳՆ տվյալներով՝ 2026 թվականի առաջին կիսամյակում օրենսդրությունը խախտելու համար Ռուսաստանից արտաքսվել է շուրջ 100 հազար միգրանտ։ 200 հազար օտարերկրյա քաղաքացու համար արգելվել է մուտքը Ռուսաստանի Դաշնության տարածք։ Մոտ 800 հազարը ներառվել է համապատասխան անձանց ռեգեստրում։
Վոլոդինը հիշեցրել է, որ 2024 թվականից Պետդուման միգրացիոն ոլորտում ընդունել է 32 դաշնային օրենք, որոնցից 21-ը՝ պատգամավորների նախաձեռնությամբ։
«Ներդրված նորմերն ու մեխանիզմներն ընդլայնել են իրավապահ մարմինների հնարավորությունները՝ անօրինական միգրացիայի դեմ պայքարի ուղղությամբ», — գրել է Վոլոդինը։