«Ծավի ջրում սնդիկի հայտնաբերումից հետո որևէ տուժած չկա», այս մասին Հանրային հեռուստաընկերության եթերում նշել է Առողջապահության նախարար Անահիտ Ավանեսյանը։
«Որևէ տուժած չունենք։ Մենք չենք սպասել, որ քաղաքացիները դիմեն, արտագնա բժշկական թիմ է մեկնել, տեղում բնակիչների հետ զրուցել է, գանգատներն է լսել։ Փաստել ենք, որ ախտանշաններով որևէ քաղաքացի չունենք»,- ընդգծել է Ավանեսյանը՝ հավելելով, որ համայնքն ապահովվում է խմելու և կենցաղային ջրով, մինչև փորձաքննությունների ավարտն ու ջրի մաքրման ավարտը։