Սաուդյան Արաբիայի Մեդինայի շրջանում հայտնաբերվել են ուրան պարունակող մոտ 110 միլիոն տոննա հանքաքարային պաշարներ։ Սաուդյան Արաբիայի էներգետիկայի նախարար, արքայազն Աբդուլազիզ բին Սալման Ալ Սաուդը Վիեննայում կայացած ՄԱԳԱՏԵ-ի 70-րդ գլխավոր կոնֆերանսում հայտարարել է խոշոր հանքավայրի հայտնաբերման մասին, հաղորդել է Reuters-ը։
«Թագավորությունը շարունակում է աշխատել ազգային էներգետիկ համալիրի ստեղծման ուղղությամբ՝ ներառյալ միջուկային էներգիան», – նշել է նախարարը։
Նրա խոսքերով՝ Սաուդյան Արաբիան ակտիվորեն փնտրում է տարբեր էներգետիկ աղբյուրների զարգացման համար անհրաժեշտ հանքանյութեր։ Նման դիվերսիֆիկացիան պետք է նպաստի տնտեսական աճին և բարելավի մատակարարման անվտանգությունը։
Ռիադը նախատեսում է միջուկային էներգիան ներառել իր էներգետիկ համալիրի մեջ և մշակել ազգային միջուկային նախագիծ՝ հիմնվելով առկա ռեսուրսների վրա։ Երկրում ուրանի երկրաբանական հետախուզությունը կշարունակվի։