ԱՄՆ վարչակազմը ուղիղ կապ է պահպանում Եմենի հութի ապստամբ շարժման՝ «Անսար Ալլահ»-ի հետ, այն բանից հետո, երբ դրա ուժերը վերահսկողություն են հաստատել Բաբ էլ-Մանդեբի նեղուցում գտնվող ռազմավարական նշանակություն ունեցող Փերիմ կղզու նկատմամբ։ Այս մասին հայտարարել է ԱՄՆ փոխնախագահ Ջ.Դ. Վենսը՝ պատասխանելով լրագրողների հարցերին նեղուցում տիրող իրավիճակի վերաբերյալ Վաշինգտոնի մոտակայքում գտնվող Էնդրյուսի ռազմաօդային բազայում։
«Մենք մշտական կապի մեջ ենք ԱՄԷ-ի, Սաուդյան Արաբիայի և տարածաշրջանի այլ շահագրգիռ կողմերի ներկայացուցիչների հետ։ ԱՄՆ վարչակազմը հատուկ ուշադրություն է դարձնում այս հարցին։ Մենք նաև ուղիղ երկխոսություն ենք պահպանում հենց հութիների հետ։ Հետևաբար, մենք իսկապես հավատում ենք, որ իրավիճակը վերահսկողության տակ է, չնայած այն շատ արագ և դինամիկ է զարգանում։ Մենք մտադիր ենք շարունակել հետևել զարգացումներին», – նշել է Վենսը։
Ավելի վաղ Եմենի կառավարական ուժերը նահանջել էին Պերիմից, իսկ հութիները գրավել էին Կարմիր ծովի ափին գտնվող Զուբաբ քաղաքը, որը գտնվում է կղզու դիմաց։ Կառավարական ուժերը հայտարարել էին զենքի և ինքնաթիռների տեղակայման մասին՝ ռազմավարական տարածքներում, այդ թվում՝ ափամերձ Մոչա քաղաք տանող ճանապարհին, որը նույնպես վերահսկվում է «Անսար Ալլահ»-ի կողմից՝ հութիների ուժերի ցանկացած տեղաշարժ կանխելու համար։