«Մեր ընդդիմադիր գործընկերներին խնդրում եմ՝ դադարեցրեք սեփական ժողովրդին ահաբեկելու և մեր սահմանամերձ բնակավայրի բնակիչների հոգեբանության հետ խաղալու ձեր անհեռանկար քաղաքականությունը»,-ԱԺ նիստում ասաց ՔՊ խմբակցության ղեկավար Արուսյակ Մանավազյանը:
Մանավազյանի խոսքով՝ ժողովուրդը վաղուց տարբերում է իրական պետական շահն էժան տեսարաններից. «Դրա վառ ապացույցն այն է, որ սահմանամերձ բնակավայրերից որևէ բնակիչ չի խառնվում ձեր սադրանքներին: Ցանկացած նախագիծ, լինի դա՝ դպրոցի կառուցում, ճանապարհի նորոգում, համայնքի խոշորացում՝ դուք փորձում եք կապել սահմանների հանձնումների, աշխարհաքաղաքական այլ սցենարների հետ: Համայքների խոշորացումը բնականոն գործընթաց է, սա սահմանների հետ կապելն ու մարդկանց ահաբեկելը պարզապես ցույց է տալիս, որ ընդդիմությունը չունի մասնագիտական դիտարկում, այլ փնտրում է ցանկացած առիթ հանրային տագնապ գեներացնելու համար»:
Մի մոռացեք կիսվել Ձեր ընկերների հետ