Երևանի քաղաքապետ Տիգրան Ավինյանը հայտարարել է, որ մայրաքաղաքում յուրաքանչյուր արձանագրված ինքնակամ շինություն խնդիր է լինելու անձամբ վարչական շրջանի ղեկավարի համար։ Ըստ նրա, խնդիր է, երբ ինքնակամ նոր կառուցված շինություններ են արձանագրում, և այդ հարցը նաև օրենսդրական փոփոխությունների արդյունքում խորքային փոփոխությունների պիտի ենթարկվի։
«Ես չեմ կարող մի ձեռքով բոլոր հատվածներում քանդել տալ տասնամյակների այդ ինքնակամ շինությունները, և ձեր աչքի առաջ նորերը հայտնվեն։ Դա անընդունելի է։ Անընդունելի»,- ասել է նա։