ԱՄՆ նախագահ Դոնալդ Թրամփը հավանական է համարել արհեստական բանականության նկատմամբ սահմանափակումների կիրառումը, սակայն կարծում է, որ ԱԲ-ի հետ կապված ռիսկերը չափազանցված են։
«Մենք կարող ենք որոշակի սահմանափակումներ սահմանել և այլ միջոցներ ձեռնարկել, բայց, կարծում եմ, կան բավականին շատ բացասաբար տրամադրված ուժեր, որոնք ուռճացնում են այս թեման և խոսում այնպիսի բաների մասին, որոնք չեն լինելու», – Իռլանդիա կատարած այցի ժամանակ լրագրողներին ասել է Թրամփը։
Շաբաթ օրը Anthropic-ի գործադիր տնօրեն Դարիո Ամոդեյը կոչ արեց դանդաղեցնել ավելի հզոր արհեստական բանականության մոդելների մշակումը՝ անվտանգության հետ կապված մտահոգությունների պատճառով։ Ամերիկացի միլիարդատեր Իլոն Մասկը, որին պատկանում է xAI-ը, և OpenAI-ի գործադիր տնօրեն Սեմ Ալթմանն արդեն իսկ հայտնել են իրենց համաձայնությունն այդ գաղափարի վերաբերյալ։
Արհեստական բանականությունը ԱՄՆ տեխնոլոգիական առաջատարությունը պահպանելու, տնտեսական մրցունակությունն ապահովելու և ազգային անվտանգությունն ամրապնդելու Թրամփի օրակարգի գլխավոր տարրերից մեկն է։