Սեպտեմբերի 13-ի գիշերը, ռուսական ուժերը հարվածել են ուկրաինա-լեհական սահմանին գտնվող Յագոդինի անցակետի մոտ գտնվող բենզալցակայանին, հաղորդել է «Սուսպիլնե» հեռուստաալիքը՝ հղում անելով Վոլինի մաքսային ծառայության մամուլի խոսնակ Վալենտինա Չերնիշին։
Չերնիշի խոսքով, ընկնող բեկորների պատճառով բենզալցակայանը և մոտակայքում կայանված մի քանի բեռնատարներ հրդեհվել են։ Ավիահարվածի ժամանակ բոլոր սահմանային գործողությունները դադարեցվել են, և մարդիկ ապաստան են փնտրել։
«Ինտերֆաքս-Ուկրաինա» լրատվական գործակալությունը՝ հղում անելով Պետական սահմանային ծառայության մամուլի քարտուղար Անդրեյ Դեմչենկոյին, հաղորդում է, որ Յագոդինի անցակետը չի տուժել: Դեմչենկոն նաև հայտարարել է, որ Ռուսաստանը հարվածել է սահմանի մոտ գտնվող մի քանի թիրախների, այդ թվում՝ բենզալցակայանին և երկաթուղային ենթակառուցվածքներին։ «Սահմանը հատողները պետք է իմանան, որ թշնամին կարող է նաև թիրախավորել անցակետերը, այդ թվում՝ ԵՄ երկրների հետ», — զգուշացրել է Դեմչենկոն 24-րդ ալիքի եթերում։