Սաուդյան Արաբիան Իրաքի տարածքից իրականացված անօդաչու թռչող սարքերի հարձակումից հետո կանխարգելիչ նպատակով դադարեցրել է Արևելք-Արևմուտք նավթատարի աշխատանքը։ Այն Ռիադին հնարավորություն է տալիս նավթ արտահանել՝ շրջանցելով Հորմուզի նեղուցը, և ապահովում է համաշխարհային նավթամատակարարումների մինչև 5%-ը։
Իրաքի իշխանությունները հաստատել են, որ ԱԹՍ-ներն արձակվել են Իրանին սահմանակից Մեյսան նահանգից։ Միջադեպի առնչությամբ պաշտոնից ժամանակավորապես հեռացվել է նահանգում ռազմական գործողությունները վերահսկող հրամանատարներից մեկը, իսկ Բաղդադը հետաքննություն է սկսել։
Սաուդյան Արաբիայի ԱԳՆ-ն հայտնել է զոհերի և վնասների մասին՝ չհրապարակելով մանրամասներ։ Էր Ռիադը հայտարարել է, որ առայժմ պատասխան գործողություններ չի նախատեսում և աջակցելու է Իրաքին՝ հետագայում նման հարձակումները կանխելու հարցում։ Միաժամանակ թագավորությունը վերահաստատել է իր ինքնիշխանությունն ու անվտանգությունը պաշտպանելու համար անհրաժեշտ բոլոր միջոցները ձեռնարկելու իրավունքը։
Հարձակումը տեղի է ունեցել Կարմիր ծովի տարածաշրջանում լարվածության աճի և հուսիթների ակտիվացման ֆոնին։