ԱՄՆ նախագահ Դոնալդ Թրամփի՝ Ուկրաինայում պատերազմը դադարեցնելու դիվանագիտական ջանքերը բախվում են նոր խոչընդոտների, գրում է CNN-ը։ Թրամփը հայտարարել է, որ Վլադիմիր Պուտինը ցանկանում է համաձայնության հասնել, սակայն վերջին օրերի իրադարձությունները հակառակ պատկերն են ցույց տալիս։
Ռուսական անօդաչու սարքը խախտել է Մոլդովայի օդային տարածքը, իսկ ԱՄՆ բանագնացների՝ Կիևից հեռանալուց հետո Ռուսաստանը վերսկսել է հրթիռային և անօդաչու հարվածները Ուկրաինայի ուղղությամբ, որոնց հետևանքով զոհվել է հինգ մարդ։ Միաժամանակ Մոսկվայի և Կիևի միջև հիմնական տարաձայնությունները շարունակում են մնալ չլուծված։