Կաբարդինո-Բալկարիայի Բեզենգի կիրճում փրկարարները հայտնաբերել են ձնահյուսի տակ մնացած ևս մեկ ալպինիստի մարմին։ Զոհերի թիվը հասել է 15-ի։
Եվս երկու ալպինիստի ճակատագիր անհայտ է։ Որոնողափրկարարական աշխատանքները եղանակային պայմանների վատթարացման և նոր ձնահյուսի վտանգի պատճառով դադարեցվել են և կվերսկսվեն սեպտեմբերի 11-ին։
Ալպինիստների 33 հոգանոց խումբը ձնահյուսի տակ էր հայտնվել սեպտեմբերի 6-ին։ 10 մարդ կարողացել է ինքնուրույն դուրս գալ, ևս 6-ը վնասվածքներ են ստացել։