Սեպտեմբերի 11-ին Ալժիրը կփակի իր օդային տարածքը ԱՄԷ-ում գրանցված բոլոր քաղաքացիական և ռազմական օդանավերի համար՝ թե՛ ժամանման, թե՛ մեկնման նպատակով, հայտնել է ՏԱՍՍ-ը՝ հղում անելով Ալժիրի ազգային պաշտպանության նախարարությանը։
Համաձայն հայտարարության՝ «բացառություն կարվի ԱՄԷ-ի քաղաքացիական առևտրային այն չվերթների համար, որոնք իրականացվում են դեպի Ալժիրի Հուարի Բումեդիենի անվան միջազգային օդանավակայան և հակառակ ուղղությամբ»։ Այդ չվերթները կշարունակվեն մինչև 2026 թվականի վերջին համապատասխան պայմանագրի ժամկետի ավարտը։
Ավելի վաղ՝ սեպտեմբերի 10-ին, Ալժիրի արտաքին գործերի նախարարությունը հայտարարել էր ԱՄԷ-ի հետ դիվանագիտական հարաբերությունները խզելու որոշման մասին՝ ի պատասխան սրվող «սադրիչ և թշնամական գործողությունների»։ Նախարարությունն ընդգծել է, որ այդ որոշումը կայացվել է երկկողմ կապերը պահպանելու բոլոր հնարավորությունները սպառելուց հետո։
