Մադրիդի խաղալիքների խանութներից մեկում վաճառքում է հայտնվել մանկական խաղային հավաքածու, որը ներառում է Հայաստանի և Ադրբեջանի դրոշներով զինվորիկների ֆիգուրներ։
Տեղեկությունը տարածվել է այն բանից հետո, երբ Եվրոպայում բնակվող ադրբեջանցի օգտատերը հավաքածուի լուսանկարները հրապարակել է իր ֆեյսբուքյան էջում։
Լուսանկարներում հստակ երևում են խաղալիք զինվորիկները, որոնք փաթեթավորված են երկու հակամարտող երկրների խորհրդանիշների հետ միասին։
Եվրոպական մանրածախ խանութում նման հավաքածուի հայտնվելը սոցիալական ցանցերի օգտատերերի շրջանում բուռն քննարկումների առիթ է դարձել։