ՀՀ ԱԺ եվրոպական ինտեգրման հարցերի մշտական հանձնաժողովը Հարություն Հարությունյանի նախագահությամբ սեպտեմբերի 9-ին գումարել է հանձնաժողովի անդրանիկ նիստը։
Քննարկվել և հաստատվել է հանձնաժողովի աշխատակարգը։ Iravaban.net-ը տեղեկանում է ԱԺ-ից։
Հարություն Հարությունյանը տեղեկացրել է, որ ԱԺ «Քաղաքացիական պայմանագիր» խմբակցությունը հանձնաժողովի նախագահի տեղակալի պաշտոնում առաջադրել է Սոնա Ղազարյանի թեկնածությունը:
Պատգամավորի կենսագրությունն ու օրենսդրական գործունեությունը ներկայացրել է Մարիա Կարապետյանը:
Սոնա Ղազարյանը շնորհակալություն է հայտնել «Քաղաքացիական պայմանագիր» խմբակցությանը՝ իր թեկնածությունն առաջադրելու համար: Հաջորդիվ նա ներկայացրել է եվրոպական ինտեգրման հայաստանյան օրակարգի շուրջ իր պատկերացումները։
Թեկնածուն պատասխանել է պատգամավորների հարցերին։
Քվեարկության արդյունքում Սոնա Ղազարյանն ընտրվել է հանձնաժողովի նախագահի տեղակալ։