Կատարը դատապարտել է Իրանի կողմից Հորդանանի հրթիռակոծումը:
«Մենք դատապարտում ենք Հորդանանի դեմ իրանական հարձակումների վերսկսումը և դրանք համարում ենք նրա ինքնիշխանության խախտում ու միջազգային իրավունքի ոտնահարում»,- ասված է Կատարի ԱԳՆ-ի՝ X-ում հրապարակված հայտարարության մեջ:
«Իրանական ագրեսիայի շարունակումը էսկալացիա է, որը կբարդացնի լարվածության զսպմանն ուղղված ջանքերը և կխաթարի դիվանագիտական ջանքերը»:
Հայտարարության մեջ ասվում է նաև. «Մենք Իրանի վրա ենք դնում այս ագրեսիայի և դրանից բխող բոլոր հետևանքների ողջ իրավական պատասխանատվությունը: Մենք ընդգծում ենք բոլոր այն ռազմական գործողությունների և ագրեսիայի դադարեցման անհրաժեշտությունը, որոնք սպառնում են տարածաշրջանի անվտանգությանն ու կայունությանը»: