Կաբարդինո-Բալկարիայի Բեզենգիի կիրճում փրկարարները հայտնաբերել են ձնահյուսի տակ մնացած ևս մեկ ալպինիստի մարմին։ Զոհերի թիվը հասել է 12-ի, իսկ ևս 5 ալպինիստի ճակատագիր դեռևս անհայտ է։
Փրկարարական աշխատանքները բարդանում են վատ եղանակի, դժվարանցանելի տեղանքի և ձյան ու սառույցի կրկնակի փլուզման վտանգի պատճառով։
Ավելի վաղ հաղորդվել էր, որ Միժիրգի լեռան շրջանում ձնահյուսի տակ էր մնացել 33 ալպինիստից բաղկացած խումբը։ 10 մարդ կարողացել էր ինքնուրույն իջնել։