Ֆրանսիայի Կան-սյուր-Մեր քաղաքում գտնվող Ռենուարի թանգարանից երկու անհայտ անձ գողացել են չորս արվեստի գործ՝ շուրջ 9 մլն եվրո ընդհանուր արժեքով։ Հանցագործության ժամանակ գողերը տեսախցիկների կողմից արձանագրվել են, սակայն կարողացել են փախչել։
Փախուստի ընթացքում նրանցից մեկը գողացված աշխատանքներից մեկը թողել է տեղում։ Ոստիկանությունը շարունակում է հետաքննությունը։
Սա Եվրոպայում վերջին մեկ տարվա ընթացքում թանգարանների հերթական խոշոր կողոպուտն է։ Անցած հոկտեմբերին Լուվրից գողացել էին Ֆրանսիայի թագավորական գանձերից մի շարք զարդեր, որոնց մեծ մասը դեռևս չի հայտնաբերվել։ Մարտին էլ Պարմայի մոտ գտնվող թանգարանից գողացված Սեզանի, Ռենուարի և Մատիսի կտավները հայտնաբերվել էին օգոստոսին։