Հունգարիայի արտաքին գործերի նախարար Անիտա Օրբանը հայտարարել է, որ Բուդապեշտում Ռուսաստանի դեսպանին տեղեկացրել են, որ ռուսական առաքելության 10 անդամներ «Հունգարիայում զբաղվել են գործունեությամբ, որն անընդունելի է դիվանագետների համար՝ համաձայն Վիեննայի կոնվենցիայի»։
Այդ պատճառով նշված անձինք պետք է լքեն երկիրը, հայտարարել է Անիտա Օրբանը։
«Այս որոշումը պաշտպանում է Հունգարիայի անվտանգությունն ու ինքնիշխանությունը։ Այն չի ենթադրում Ռուսաստանի հետ դիվանագիտական հարաբերությունների խզում։ Հունգարիան մտադիր է շարունակել անհրաժեշտ երկխոսությունը՝ հիմնված փոխադարձ հարգանքի եւ կանոնների պահպանման վրա»,- գրել է ԱԳ նախարարը։
Ռուսաստանի ԱԳՆ-ն պետական ՏԱՍՍ գործակալությանը հայտնել է, որ Մոսկվան պատասխան քայլ կձեռնարկի Հունգարիայից 10 դիվանագետների արտաքսման համար։