Ուկրաինայի գլխավոր դատախազը հրաժարական է տվել, տեղեկացնում է «Ազատության» ռուսական ծառայությունը:
Ռուսլան Կրավչենկոյի հրաժարականը տեղի է ունենում դատախազության բարձրաստիճան պաշտոնյաներից մեկի նկատմամբ Ուկրաինայի ազգային հակակոռուպցիոն բյուրոյի (NABU) և Կոռուպցիայի դեմ պայքարի մասնագիտացված (SAPO) հակակոռուպցիոն դատախազության նախաձեռնած հետաքննության ֆոնին: Վերոհիշյալ դատախազը մեղադրվում է խարդախությամբ զբաղվող զանգերի կենտրոններին հովանավորելու մեջ։
Ռուսլան Կրավչենկոն երեկ երեկոյան Telegram-ում էգրել, որ «քաղաքական» որոշել է հրաժարական տալ, քանի որ չի ցանկանում, որ «գլխավոր դատախազի պաշտոնը որպես քաղաքական բախման գործիք օգտագործվի»։ Թեև նույն օրն ավելի վաղ նա հայտարարել էր, որ հրաժարական չի տա։
Ուկրաինական լրատվամիջոցները հայտնում են, որ Կրավչենկոն երեկ այդ գրառումից առաջ հանդիպել էր նախագահ Վլադիմիր Զելենսկի հետ:
Գլխավոր դատախազի գրասենյակում սեպտեմբերի 4-ին իրավապահները խուզարկություն էին անցկացվել՝ չնայած գրասենյակը սկզբում հերքել էր լուրը: Ուկրաինայի ազգային հակակոռուպցիոն բյուրոյի և Կոռուպցիայի դեմ պայքարի մասնագիտացված դատախազության քննիչները ձերբակալել էին գլխավոր դատախազության միջազգային իրավական համագործակցության վարչության պետի տեղակալ Սերգեյ Կրոպիվային, որին ավելի ուշ կալանավորել են:
Հակակոռուպցիոն քննիչները պնդում են, որ Կրոպիվան ղեկավարել է հանցավոր կազմակերպություն, որի անդամները կաշառք են ստացել խարդախությամբ զբաղվող զանգերի կենտրոններից։ Կալանավորվել են նաև երկու այլ դատախազներ։
Գլխավոր դատախազ Ռուսլան Կրավչենկոյին մեղադրանք չի առաջադրվել։