ՀՀ արտաքին գործերի և միջազգային առևտրի նախարար Արարատ Միրզոյանը և Լատվիայի նախագահ Էդգարս Ռինկևիչսը քննարկել են տնտեսական կապերի դիվերսիֆիկացման հարցը, հայտնում է ՀՀ ԱԳՄԱՆ-ն։
Կողմերը քննարկել են նաև առևտրատնտեսական համագործակցության ընդլայնման անհրաժեշտությունը, հայկական արտադրանքի՝ եվրոպական շուկաներ հասանելիության մեծացման մեխանիզմները։
Միրզոյանը Լատվիայի նախագահին ներկայացրել է Հայաստանի և Ադրբեջանի միջև խաղաղության պայմաններում տնտեսական, փոխկապակցվածության զարգացման նոր հնարավորությունները, այդ թվում՝ ԹՐԻՓՓ նախագծի իրականացման ուղղությամբ տարվող աշխատանքները։
Քննարկվել է նաև ՀՀ-ԵՄ խորացող գործընկերության օրակարգը։ Միրզոյանն ընդգծել է, որ Հայաստանը բարձր է գնահատում ԵՄ անդամ երկրների, այդ թվում՝ Լատվիայի շարունակական աջակցությունը Հայաստանի եվրոպական ինտեգրման օրակարգի առաջմղմանը։
