Գերմանիայի հյուսիսում՝ Շլեզվիգ-Հոլշտայն երկրամասի Կիլ քաղաքում, Երկրորդ համաշխարհային պատերազմի ժամանակներից մնացած ավիառումբ է հայտնաբերվել։ Քաղաքապետարանի տվյալներով՝ այն վնասազերծելու նպատակով նախատեսվում է տարհանել 5235 մարդու։
Տարհանումը կվերաբերի ընդհանուր առմամբ շուրջ 2580 տնտեսության։ Իշխանությունները ժամանակավոր կացության կենտրոն են ստեղծել այն մարդկանց համար, ովքեր չեն կարող մնալ հարազատների կամ մտերիմների մոտ։ ԱՄՆ-ում արտադրված՝ շուրջ 250 կգ քաշով ռումբը հայտնաբերվել է Կիլի Դիտրիխսդորֆ թաղամասում։